مساحة إعلانية
الشاعر مصطفى معاذ
يا قادر بسترك تسوى الجمال
وتخلق وتبدع بطول الليـــــــال
نهارك نهارك وشمسك عفيه
بهمة رجالك تعود القضيه
ونرجع أجبة ونرجع حبايب
نوحد طريقنا نشد الركايب
عليه اللئيم الجبان
بينخر فى أمة رسول الزمان
وموّت بكتره وكهرب دكاتره
يامر الامومه فى لحظه وداع
حبيب الاحبه اللى ودع وضاع
يا اختى يا اخويا
يا عمى يا خالى
اقولك مقوله وقولها لعيالى
عدودك عدوك عيونك عليه
تهد المساكن وتهجم عليه
مقاومه وشهامه
مروه وأيامه
وتأسر وتقتل
عدو البلاد
اله العباد قد قسم فى كتابه
بهذى البلاد
يا ناس ياللى عدوا حدود الخطر
يا ترحل مسافر
تحج فى قطر
بلادك قريبه
وخيرها كتير
تكفى الغفير والامير والوزير
ومهما خانوها وباعوا اللى فيها
بتدفع بقوه كنوزها وماضيها
يا مصرى يا سيد الشباب
يا بنتى يا روح اللى داب
شبابكم لبكره حجر او شهاده
يموت المقاتل وموته عباده
شهيدك شهيدك بيفدى بدمه
ولاجل اللى عايش ما يحلف باسمه
ولادك شبابك بناة التاريخ
بهمه وقوه وصمت وصريخ
يا نحيا يا نبقى مداس للاجانب
ويبقى الحامى اللى سايق وراكب
بلادك يا بنتى معانى كتيره
ابوكى اللى عايش بروحه وضميره
بيعشق تراب الوطن
وناس زى بعض
قلوبهم بتنده لبعض
كلامهم مشابه لبعض
يا ناس ياللى فاتو القديم
يا قاسى عليك الرحيم
ترابك ترابك
وزهره شبابك
وحلم اللى عدوا قناة السويس
يا مصرى يا صانع بجهدك فلوس
وجدد ضميرك
وهات كل خيرك
وقول للحياه
ما بعرفش آاااه
وكلى تفاؤل وحب وجمال
يا مصرى خلاصك فى اخر مقال
وكلى تفاؤل وحب وجمال
يا مصرى طريقك فى اخر مقال
مساحة إعلانية
