مساحة إعلانية
مساحة إعلانية
لو شد كعبه البوص ما يناطح الخرزان
والهيش لو يوم عفى صعب تساويه بالزان
ياما أسد بنياب ع الأرض نام وانطرح
لو عشت مليون فرح مايساوى يوم أحزان
************************
دنيا و نابها اتبري منها البشر فالين
فيها ناس تقيلة وناس ف وزنها فلين
و ناس غبية قوي سيطر عليها الجهل
بتسّيب السهل..وتغرز رجلها ف اللين
**********************
لو كله حس بعنا فيش زيه عنيه
شايل هموم البشر ولا شالوا عن نيه
ويا دنيا مالك كده حالك صبح مقلوب
ربك دا رب قلوب .. والرك ع النيه
*********************
الفرح عنا رحل و الهم بيشيل
والدمع نازل مطر من عينى بيسيل
العمر راح انقضى صبحت حياتى تمن
آه لو تعود يازمن وارجع معاك عيل
مساحة إعلانية
مساحة إعلانية
