مساحة إعلانية
مساحة إعلانية
نصر هاشم
لساه مجاش
ولا فكر يقول جايلك
لساه مجاش
ولا حتي قوله
ف يوم قايلك
ما اهو اللي شايلك
حاطط معاه طوبه
علي قلبه مربوطه
ما اهي دنيا ومربوبه
ومسلوبه
انتي اللي مغلوبه
ولا حد كان غصبك
طب شدي يوم عصبك
واوقفي مطرح
ما كنتي ... زمان
هوه اللي ... هان
عليه دمعك
وسقاكي م الأحزان
إنسي اللي كان
وارميه من ورا ضهرك
ما اهو اللي دفع مهرك
يحق له القول
ماتوفريش الضحكه
لمعادها ....
هوه اللي عادها
من عنادها
ساعة ما قلهالك
مش هوه دا شالك
قلبي اللي مشالك
من حتة التائهين
لضم سنين .
البعد والترحال
مش كنت رحال
بشيل اللقمه من بقي
اوعاكي يوم تدقي
انتي اللي بتنقي
وان كان دا من حقي
تبقي انتي .
اللي ظلماني
قلبي اللي جاني
ورماني
ف سكتك
كان نفسي المح ضحكتك
حتي من بعيد لبعيد
ويهل ليكي العيد
وساعتها تنسيني
ابقي انتي ارميني
فوق براح الكون
اقبل اعيش مجنون
ولا حيط تداريني
ابقي انتي اقريني
ف صفحة اللي مات
من سكات
مساحة إعلانية
مساحة إعلانية
