مساحة إعلانية
مساحة إعلانية
قبل نهاية الكون بدقيقة
كلنا هنشوف الفيلم حقيقة
ونفهم ساعتها معنى الحياة
الدنيا فى لحظة تتحول
تعيد مشهدها م الاول
وكأنش مكانش فيها حياة
الساعة بتفقد إحساسها
والأرض بتعلن إفلاسها
والبحر بيدارى فى خوفه
بيودع كل اللى يشوفه
أرواح فى السما تايهة وحايرة
وجبال حواليها بقت طايرة
والشمس خلاص سايبة مكانها
بتسلم روحها وأمانها
المشهد مش محتاج تفصيل
ولا وصفه يتحمل تأويل
رعب ورعشة تصيب الكل
كله بيعلن خوفه بذل
حتى نجوم السما بتضل
كل قلوب الخلق تسلم
ولا صوت ينطق ولا يتكلم
شعر الطفل اتخض وشاب
كل عيون الخلق ضباب
الكون بيسلم مفاتيحه
تايه بين كل الأبواب
البحر بيبكى نار ودموع
مبقاش يجرى ..نفس مقطوع
يا ويل مين كان عايش ظالم
ولا كان حاسس أى رجوع
كل الكون فجأة انهار
جفت ينابيع الأنهار
ولا ليل ييجى علينا يدارى
ولا عين مستنيه نهار
قبل نهاية الكون بدقيقة
كل عروش الدنيا انهارت
والمشهد بقى فجأة فضيحة
مساحة إعلانية
مساحة إعلانية
مساحة إعلانية
مساحة إعلانية
مساحة إعلانية
