مساحة إعلانية
غريب مغلوب على امره
و امره غريب
و حواليه ليه بيتأمروا
بطيبة ديب
و غربه ف قلبه و ف حاله
بيسقي الحزن مواله بشكل عجيب
غريب
صغير لكن ف قلبه الشيب
و نفسه يعيش في دنيا الطيب
و دنيا المر
خيط بيكر
فقلب القسمه و المكاتيب
حياته بين هنا و هناك
و مش عارف يكون وياك
ف أكل العيش و ف الايام
بيتقلب على الاشواك
غشيم طيب جدع غلبان
مابيخافشي لكنه جبان
عشان ماعافرش ف الألوان
و من نور الحضور بيغيب
مابيلمعش ف الأفييه
و مش عارف بيحلم ليه
يحب الغلب زي عينيه
و بأديه الفرص بتطير
غريب جدا و فيه الخير
معشش فيه يشوفه الغير
يقول ابيض يا قلب يا ريت
مايبقاش ف الوجود دوبلير
مساحة إعلانية
