مساحة إعلانية
مساحة إعلانية
من غير سبب معلوم
كبرت شجرة الدوم
في قلوبنا يوم ورا يوم
علي شطنا بترعى
اتبدلت ادوار واتغيرت أعتاب
ولا عادشى فيه احباب
ولا حتى فيه أصحاب
في دمنا الترعه
قلوبنا شاخت شيخ
والدنيا باخت بييخ
وشيخنا عايز شيخ
م السوق في يوم جمعة
و النحت يا فنان
ما بقاش في إيد انسان
والدوم عاوز له سنان
ومزوده الجرعة
و أنا اللي يا ما بكيت
منهم ولما شكيت
سابو الشكايه بقيت
الواد .. أبو دمعه
مخنوق ومش طايق
سكران وانا فايق
ولا أي شىء لايق
ولا سيره ولا سمعه
علييت ضميري اتهدم
ع اللي حفرتو اتردم
بقت الحكاية عدم
والدنيا لابو لمعه
الخيمه في الانعاش
والغيمه في الادهاش
عاش اللي غش و عاش
بشهادة الجامعة
مساحة إعلانية
مساحة إعلانية
