مساحة إعلانية
مساحة إعلانية
ماشيين ف سكة سفر
بين الحياه والموت
عايشين في دنيا القدر
والملك والملكوت
راضيين بكل القضا
والعمر شئ موقوت
وان طال علينا الزمن
لحظة لقا وتفوت
نسأل ف يوم نفسنا
بسؤال هنا مكبوت
ازاى ننول الرضا
من غير كلام وسكوت
والرد مش عندنا
عند الإله مثبوت
باب القبول اتفتح
من غير أذون وكروت
ومواسم الغفران
بتزيل هوان مخفوت
والمنحة من ربنا
تسعد بيوت وبيوت
يارب طول عمرنا
نشهد بعلو الصوت
إنك رؤوف مقتدر
رزقك لنا مبعوت
كل الخلايق بتشهد
من غير عصا ونبوت
نعمك تكفى البشر
وتعيش هنا ماتموت
من يوم مانيجى الحياه
ومابين قيام وقنوت
ولحد مايفنى الجسد
ويروح هناك ف تابوت
مساحة إعلانية
مساحة إعلانية
مساحة إعلانية
مساحة إعلانية
مساحة إعلانية
