مساحة إعلانية
صعيدية من يومي...والكلمة محسوبة
اهل الكرم قومي....سجراية منصوبه
متفصلة تفصيل على قد.قد.القد
مافيش زيي حد ..شابة وكركوبة.
................................
بلدك بعيدة ياخوي....ريتك تقربها
واملى لك الكنكة ....شايي وادوبها.
وادور معاك الحي...شارع ورا شارع.
ياقمري الطالع.....والتايهه جايبها.
....................................
مين قال بصير سيرفر..مصنوع حروف وكوود.
قولوا لبصير قرب....رب العباد موجود.
جمع حكاوينا لو حتى يجرفها.
سيستم ويحذفها..برضو اللقا موعود.
....................................
افرش مناديلك...ع الشط والرملة.
سفن الغرام حاطه السكر على السمنة.
انا أصلي بلطية وصلت لغاية الشط.
خطو الحكاوى خط ...ولا كملوش جملة.
....................................
ضرب الودع غية...بس الودع كداب.
صياد وبلطية ...قاعدين قصاد الباب.
هو يقولها قول، بالحكمة متغمس
ماس كهربا ولمس، حكم الهوى غلاب.
....................................
جنب القمر ساكنة ...نجمايه من لولي.
لا تفارق القمرة ولا تمل من قولي
نجم السما عشقان..للشعر لو يتقال
توب الحرير والشال ،متقاس على طولي
....................................
تعال اقولك سر...وافتح بيبان البير
المرجلة حكمة ورجاحه فى التفكير.
لوي الدراع قوة ،كدابة ميه وألف.
دار الزمان ولف ،ورانا من دا كتير.
....................................
يابو جلابية صوف ..والعمة زاينه الراس.
لكل كلمة حروف، ولكل مبنى اساس.
سايس وماتملش ،من جهلة الأحكام.
ياما غفلقت بينا ،وجبناها لمس اكتاف.
مساحة إعلانية
