مساحة إعلانية
مساحة إعلانية
خيال مآته شغلتي
لا منصب ولا جاه
وكل املي في الحياه
ما تخفوش مني
من كام سنه واقف هنا
باصص عليكم
نفسي اناديكم
واعرف اساميكم
تسمعوني واسمع حكاويكم
قربوا لي و كلموني
فضفضوا لي .. او ألعنوني
احكوا لي عنكم وعن غيركم
عن حلم مالي العيون
ليه رافض يطاوعكم
ليه الهم كاسيكم .. ؟
مفيش رحمة وسطيكم
وشوشكم كما الاسفلت
بلا احساس
قلوبكم كلها وسواس
مفيش حق ولا باطل
ولا شغال ولا عاطل
تروس بتلف ف تروس
ضلمه معشعشة ع الروس
كان نفسي الاقي الونسه وياكم
لقيت الدنيا نهشاكم
صراع .... جدال وحاجات
لا يمكن تخطر على بال
واقول جايز تكون غفله
ترد عليا افاعلكم
ما تدنيش مهلة
ما تحلمشي ....
عشان بكره ما تندمشي
خليك في حالك
خلى الوحدة راس مالك
شغلتك
هى اللي بقيالك
خيال مآتة
مساحة إعلانية
مساحة إعلانية
