مساحة إعلانية
مساحة إعلانية
فتِّشّني
دون ما تخطِّي لأى حدود
بطاقتي ف إيدي ورقم الكود
حتي ف جيشي كُنت إشاره
وكُنت شاويش وحَرَس لحدود
وفي الكشوفات مكتوب متقييِّد
إني السيِّد
صفتي مواطن
أما الإسم أكيد محمود
راح تلقاني في كل مكان
أنا الإنسان
يعني الأصل في كل ملامح
تعكسه عينَك في العنوان
دون ألوان
لو يتهان يصبح مفقود
أنا تلقاني في كل طريق
والصوت العالي ف صناديق
والفرد اللي بيبقي فريق
دون تفريق بكرامه يسود
إنت ف خدمتي
وأنا بأقطف لك قلبي ورود
والوطنيه ف وقت الشِدَّه
تظهر مش محتاجه شهود
مساحة إعلانية
مساحة إعلانية
مساحة إعلانية
مساحة إعلانية
مساحة إعلانية
