مساحة إعلانية
مساحة إعلانية
قبل م أنام
بأفتح قلبي أفضِّيه
وأوضّيه
وأرضِيه
ف بيصبح خام
ورخام
ف أنام
حتي إن الحلم
اللي بيدخل من باب روحي
مش م الأحلام
دا ملايكه
وخُضره
ونهر لبن
بيصب ف عيني
أشوف الخَلق حمام
أنا قبل م أنام
بأستسمح كل البني آدمين
تبصم لي تمام
علشان في الآخره
ما يفضحونيش وأنا وسط زحام
انا قبل م أنام
بيمر شريطي حلال وحرام
ما قدرتش أنام
ف رفعت يديَّا لبَعد ( غمام )
يا رب أنا عَبدك
ياما كدبت
سرقت
إغتبت
دهنت كلام
يارب أنا عبدك
طالب عفوك دون إبرام
وساعتها بكيت
ف قدرت أنام
وأنا لما صحيت
فوجئت بإن الخلق قيام
أنا بعد م أنام
مساحة إعلانية
مساحة إعلانية
