مساحة إعلانية
مساحة إعلانية
مش إنت اللي قايل ( مجرد عتاب )
وإنت اللي قايل ( هيَّ دى )
وإنت اللي مدِّيت خط طوَّالي
وكتبت ( ترتيلة بُكا )
وكأن رسم بياني للأحزان
ولا تبالي
وإنت اللي قلبك دق من برَّه
( كلاكيت آخر مرَّه )
يا أبو سمره
وإنت اللي كُنت تغنِّي كيف عيِّل
وإنت اللي في نهار قلبنا تليِّل
وإنت اللي واقف صَلب ما تميِّل
حتي ( الأغاني ) يا سمره في ( كتابك )
( فوتغرافيا ) وعتابك
وإنت اللي حاضر وإحنا في رحابك
القافيه تستعطفك
ولا هيَّ في حسابك
يا ( سمير )
يا ( سعدى )
يا ( سايح ) الملكوت
عُمرك ما كُنت تخاف
لو جابوا سيرة الموت
ح تعيش يا سمره
ما ينقطع لك صوت
مساحة إعلانية
مساحة إعلانية
