مساحة إعلانية
مساحة إعلانية
قلبك مش بيبات جوَّاك
ولا روحك تبخل بيها لــ حد
بتكلِّم ربنا
لم يدغبش في عينيك ( الحَد )
علي كد محبتُه
بتلاقي الرد
السر اللي ف صدرك قبرك
إوعي الــ ( بير )
علي كد ما إنه غويط
بس حويط
شبعانه عينيك من نظرك فوق
الأرض شكاوى الضُعفا
ومهما بتمشي عليها بطراطيفك
برضك مخلوق
الصوت من بره حبالك موت
والدنيا برغم وسعها
بتتشكِّل صندوق
الذكرى اللي علي الحيط
بتآكلها رطوبة النسيان
والجسم اللي بيأويك
هو وعدمه سيان
إنت اللي رميت ضهرك قدَّام
وإنت اللي ما بيغرك هِندام
لما حسبتها دوقت نتيجة جمعك
محصولك في وصولك
وإنت اللي حــ تفتح في ( الحصاله )
وعارف كام
مساحة إعلانية
مساحة إعلانية
