مساحة إعلانية
أنا تايه ورا المقسوم
ودمعى بيبكى ع اللى فات
وشايل فى الحنايا هموم
وقلبى مات فى بحر سكات
أنا الموجوع وانا المظلوم
وبكتب فى الوجع أبيات
زمانى ليه بيظلمنى
ويسرق من ايديا النور
وسهم الغدر ليه صابنى
واعيش جناحى ليه مكسور
سنين بتمر بتعدى
وألف ساقية كات بتدور
بفضفض للورق همى
وأبكى م الوجع فى سطور
وأخبى دمعتى فى عينى
وأبان للناس بإنى صبور
يا دنيا اتهد حيل قلبى
وعمرى اللى اتسرق مهدور
ومين غير القلم ليا..يفتح للأمل بيبان
ودمعة حزن فى عينيا وأرسم بالوجع فدان
ومهما الموج يعاندنى أكيد بكرة هكون كسبان
مساحة إعلانية
