مساحة إعلانية
مساحة إعلانية
إهداء لعمال مصر
أطول دراع ..
نابت فى كتف الكون دراعك
أجدع شعاع
يحرق عيون الليل شعاعك
تصطاد شباكك
كل حكمة شاردة فوق موج الكلام
يهتك شعاعها كل عتمة ..
نايمة فى كهوف الضلام
من فوق جسور بحر العرق
بحر الصعاب اللى انطلق ..
فوق صفحته ..
مركب عزيمة همتك
يرسم على صدر الأبد ..
صورة أسَد
ماسك فى إيده سيف
وفى التانية .. زَرَد
بيشقّ سيفه سكّة
فى ليل الشتا
بيصحّى صوته كل كلمة ميّتة
شايف فى عينك ألف صورة ..
لنجمة الفجر الجديد
شايف فى إيدك ..
قبضة العزم الشديد
يابو الشباك ..
تصطاد يا قوت
يا بو الكلام .. يطرح معانى ..
وهوّ .. فى حضن السكوت .
قصيدة من ديوان ( النقش ع الـمَــيَّـة)
مساحة إعلانية
مساحة إعلانية
مساحة إعلانية
مساحة إعلانية
مساحة إعلانية
