مساحة إعلانية
مساحة إعلانية
الشجرة البراني
الطارحة لوحديها
الشجرة الرباني
وبتشرب منها فيها
ولا حدش فكر يزرعها
ولا حدش فكر يسقيها
المولى وبس ..
هو المتكفل بيها
وغيره ما فيش .
فيه ناس دلوقتي
بتعمل إيه ..؟
بتعمل جيش
وتجند أحلي شباب في الدنيا
عساكر لقم العيش .
ولجني الشوك
مع ضيق الحال
ولادنا اخترعوا
جونتي الخيش ..
يا ولاد الأيام الصعبين
واليدين الناعمين
هتقشروا شوك سطح الهامش
والمتن لمين ؟
للناس التانين/التالتين /الرابعين /الخمسين
خليكوا في البيت قاعدين
ده كمين ..
وبلاها الشغلانه الواعره
وبلاه الشوك / التين الشوك / الشوك التين
ما حدش عاش من جني الشوك
ما حدش مات من قلة وكل التين
وبلاها البني أدمين
اللي بترمي بلاها
ع اللي أحسن منها وجاهه وفكر وعلم ودين
يغور القرش المليان شوك .
راح تزرعوا شوك
راح تحصدوا شوك
لسنين تانين
بالشوك جايين
وهتمشوا
كمان
ع الشوك
حافين .
*من ديوان .. الأشجار ( فلسفة شعبية.. من وحي الأدب الشعبي )
مساحة إعلانية
مساحة إعلانية
مساحة إعلانية
مساحة إعلانية
مساحة إعلانية
