مساحة إعلانية
مساحة إعلانية
التدخين أصل الخسارة
والخسارة ف السجاره
التعب جوه القلوب
والخراب يكوى الجيوب
والصدور فيها المتاعب
والألم بيهدنا
والدخان يعمى العيون
والسيجاره تضرنا
ليه تهون الروح علينا
والأمانه بين إدينا
دى الحياه حلوه وجميله
موش فتاكه أو شطاره
والخساره فين ياصاحبى
الخساره فى السيجاره
اللى بيضيع فلوسه
ع الفساد من كل لون
واللى بيشرد ولاده
فى الشوارع والسجون
كل مليم رح يشيله
للسيجاره والحشيش
تلقا هم الكون يجيله
والحياه تصبح مفيش
موش رح اكدب يوم عليكم
والكلام ليكى باجاره
والخسارة فين يا صاحبى
الخساره فى السيجاره
مش مصدق إن ربك
حرم التدخين علينا
إسأل العلماء ودور
دى الحقيقه بين إدينا
واضحه فى القرٱن و ديننا
حرم الأضرار علينا
الضرر ويا الضرار
دول خساره دول دمار
قتل نفسك والا روحك
ربنا يحاسبك عليها
لو تضيع النفس منك
مين بقا يردك إليها
مهما تهرب أو هتسكن
جوه شارع جوه حاره
والخساره فين ياصاحبى
الخساره فى السيجاره
الحقيقه ليه بتبعد
ليه يكدبها البشر
واللى يتقال له ف ساعات
ليه يضيع لمحة بصر
مهما كنت ياصاحبى عايش
جوه عشه أو عماره
دا الحقيقة واضحة دايما
الخساره فى السيجاره
اوعى تنسى إن روحك
رح تروح للى خلق
واللى يفضل عند ربك
رزق جايلك بالعرق
فى السما رزقك ولكن
عايز التعب عايز المهاره
بس إوعاك يوم تجادل
أو تعوز تيجى الإشاره
والخساره فين ياصاحبى
الخساره فى السيجاره
مساحة إعلانية
مساحة إعلانية
